ბოლნური ჯვარი

ბოლნური ჯვარი — ქრისტიანული ჯვრის ნაირსახეობა, რომლის თანაბარი ზომის მკლავები ბოლოსკენ ფართოვდება. ხშირად წარმოდგენილია წრეში ჩახაზული ფორმით. საქართველოში მისი ყველაზე ადრეული და ამავე დროს ყველაზე ცნობილი გამოსახულება ბოლნისის სიონის ტაძრის ფასადზეა გამოსახული და V საუკუნით თარიღდება. სწორედ მას უკავშირდება ბოლნური ჯვრის სახელწოდებაც. სავარაუდოდ, ჯვრის ეს ფორმა იმპერატორ კონსტანტინე დიდს უნდა უკავშირდებოდეს.

დღეს ბოლნური ჯვარი ერთ-ერთ ქართულ ეროვნულ სიმბოლოდ მიიჩნევა და გამოყენებულია ეროვნულ სიმბოლიკაში (მათ შორის, ბოლნისის მუნიციპალიტეტის გერბსა და დროშაზე). მისი მცირედ სახეცვლილი ფორმა კი საქართველოს ე. წ. ხუთჯვრიანი დროშის შემადგენელი ნაწილია. ბოლნური ჯვარი, როგორც სიმბოლო, წმინდა ნინოს ვაზის ჯვართან ერთად გამოიყენება საქართველოს მართლმადიდებელი ეკლესიის მიერაც.

ლიტერატურა

Michael Tarchnišvili: Geschichte der kirchlichen georgischen Literatur (= Studi e Testi. 185, ZDB-ID 762276-4). Auf Grund des 1. Bandes der georgischen Literaturgeschichte von K. Kekelidze bearbeitet. Biblioteca Apostolica Vaticana, Città del Vaticano 1955.
Elene Mačavariani: Bolnisis sionis samšeneblo carcera. Mec'niereba, T'bilisi 1985, (In georgischer Schrift. Zusammenfassung in russischer und französischer Sprache).
Andreas Groß: Missionare und Kolonisten. Die Basler und die Hermannsburger Mission in Georgien am Beispiel der Kolonie Katharinenfeld. 1818–1870 (= Studien zur orientalischen Kirchengeschichte. Bd. 6). Lit, Hamburg 1998, ISBN 3-8258-3728-9 (Zugleich: Marburg, Universität, Dissertation, 1998).
Roger Rosen: Georgia. A sovereign country of the Caucasus. Photography by Jeffrey Jay Foxx. Odyssey Publications, Hong Kong 1999, ISBN 962-217-502-3.

რესურსები ინტერნეტში

შეგიძლიათ იხილოთ მედიაფაილები თემაზე „ბოლნური ჯვარი“ ვიკისაწყობში.